اليكم الفرق بين HTTP vs HTTPS
توضيح بسيط للأشخاص الميعرفون شنو الفرق
ما راح اتعمق بالكلام لان الموضوع يستهدف الناس الميعرفونة شنو وليش لازم استخدم موقع بداية الرابط https:// ويتركون الموقع البدايتة http://
خل نفرض شخص اسمة A وجيرانة اسمة M وبعد الجار M اكو جار اسمة B
الجار B ما عنده اشتراك انترنت وطلب من الجار A ان ينطي الاسم والباسوورد لشبكة الواي فاي
الجار A كتب الاسم والباسوود بورقة و بلغ ابنة يوصلها للجار B
ابن A شايل بيده الورقة تحتوي على معلومات شبكة الوايفاي وشافة الجار M قبل لا يوصل لبيت B
الجار M علمود يستغل ابن A ضل ينطي شوكولاتة وحلويات وضل يحتال علية حتى يشوف شنو مكتوب بالورقة
بهاي الحال الجار M يعتبر هاكر، وطرق الاحتيال الاستخدمها هاي تعتبر ادوات الاختراق
من اشهر طرق الاحتيال اسمها MITM
ومعناها
Man In The Mddile (رجل في الوسط)
هذا الMITM هو نفس الجار M
يقع بين شخصين ويتجسس على بياناتهم
نرجع لموضوعنا
الجار A من كتب المعلومات بالورقة وبعثها بيد ابنة،
الأبن ما عمل على اخفاء الرسالة من الجار M ونقلها بطريقة تسمى Plaintext أي بمعنى كتابة واضحة غير مشفرة
والأبن في مثالنا هو البروتوكول HTTP
راح ينقل الرسالة بشكل واضح بحيث الجار M يستطيع اخذ المعلومات ويسجل بيها ويستطيع طرد A من الراوتر
وعلمود نتخلص من الجار M
لازم أبن الجار A يقوم بأخفاء الرسالة بجيبة وما يخلي الجار M يشوفها ويطلع على محتويات الرسالة
وبهل حال الأبن راح يمثل البروتوكول HTTPS
(الراوتر تكدر تعتبرة موقع ويب او اي تطبيق يبعث رسائل)
لذلك انت برأيك تحب تسجل بياناتك وترفع ملفاتك على موقع HTTP وراح يستطيع الجار M يشوفها ، لو تسجل بياناتك وترفع ملفاتك على موقع يستخدم HTTPS ؟؟
هوه هذا المختصر المفيد للبروتوكولات https و http .